Ukrayna Milli Təhlükəsizlik və Müdafiə Şurasının (SNBO) katibi Andrey Parubiy bu gün güc strukturlarına olan dörd hücum barədə açıqlama verib.

Axar.az Ukrayna mediasına istinadən xəbər verir ki, o bu hadisələrin arxasında Kremlin niyyətinin durduğunu dilə gətirib.

Jurnalistlərlə brifinq keçirən Parubiy əlavə edib ki, bu addımlarla Moskva və şəxsən Vladimir Putin Ukraynada keçiriləcək prezident seçkisinin qarşısını almaq istəyir:

"Putinin məqsədi Ukraynadakı prezident seçkisinin təxirə salınmasıdır. Bu səbəbdən də gecədən başlayaraq, ölkənin şərqində separatçıların hücümlarının sayı artıb. Baxın, eyni anda bizim əsgərlərə dörd tərəfdən hücum olub. Lakin biz onlara yerlərini göstərdik, təxribatçılar gəldikləri yerə - Rusiyaya qaytarıldı, separatçılar isə nəyə layiq olduqlarını gördülər".

Parubiy sonda önəmli fakta aydınlıq gətirib və bildirib ki, Rusiyanın Rostov şəhəri yaxınlığında böyük hərbi baza aşkar ediblər. Bu məkanda da terrorçular hazırlanaraq, Ukraynaya göndərilir.

Xatırladaq ki, Parubiy döyüşlərin hələ də davam etdiyini dilə gətirib.