Karlovka kəndi ərazisində Donbas könüllü batalyonunun döyüşçüləri mühasirəyə düşüb.

Axar.az xəbər verir ki, bu barədə Donbas batalyonunun komandiri Semyon Semyonçenko Feysbuk səhifəsində yazıb.

"Hazırda Karlovka kəndində Donbas batalyonu mühasirəyə düşüb. Döyüş gedir. Batalyona qarşı avtomat, snayper və qumbaraatanlardan atəş açılır. Yaralılar var. Mühasirədən çıxa bilmirik. Yaxınlıqda olan hərbi hissələrdən kömək istəyirik", - deyə komandir yazıb.

Daha sonra komandir bildirib ki, döyüş yerinə separatçıların zirehli transportyoru gətirilib. 15 kilometr məsafədə isə Ukrayna ordusu 4 sirehli transportyorla dayanıb.