Separatçıların ələ keçirməsindən sonra uçuş reysləri dayandırılan Donetsk hava limanını Ukrayna ordusuna məxsus qırıcılar bombalayıb.

Axar.az xəbər verir ki, bunu qondarma Donetsk Xalq respublikasının rəsmiləri tvitterdə yazıblar:

"Hərbi təyyarələr və vertolyotlar Donetsk səmasında görünüblər. Az sonra Ukrayna qırıcıları və helikopterləri Donetsk hava limanını raket zərbələriylə bombaladılar".

Donetsk hava limanını ələ keçirən separatçılar binanın üstünə snayper və qumbaraatanlar yerləşdiriblər. Müşahidə qülləsindəki dispetçerlər dərhal evakuasiya olunublar.

Ukrayna ordusu Su-25 ilə öncə xəbərdarlıq atəşi açıb, daha sonra bunu MİG-29 ilə davam etdirib. Xəbərdarlıqdan sonra xaotik atışlar başlayıb və separatçılar darmadağın edilib. Hava limanına desant gətirən Ukrayna ordusu ərazini separatçılardan təmizləyib.