Krim tatarlarının lideri Mustafa Kımoğlunun (Cəmilev) oğlu Xayserin Rusiya vətəndaşlığını qəbul etməsi barədə xəbər yayılıb.

Axar.az xəbər verir ki, göndərilən sorğu zamanı Krımın hazırkı pasport qeydiyyatı idarəsi faktı təsdiqləyərək, Xayserə məxsus Rusiya pasportunun surətini təqdim edib.

Xayser Cəmilev Fevzi Edemovun qətlində təqsirli bilinir. Bu səbəbdən o, hazırda müvəqqəti saxlanma məntəqəsindədir. Vurğulanır ki, cəzasını Krımda çəkməsi üçün o, məcburən Rusiya vətəndaşlığını qəbul edib.

Qeyd edək ki, böyük əksəriyyət bu olayı Mustafa Krımoğluna qarşı təxribat kimi səciyyələndirir. Çünki Rusiya əleyhinə çıxan Krımoğlu dəfələrlə Krım tatarlarını Rusiya vətədaşlığını qəbul etməməyə çağırıb.