Slavyanskda anti-terror əməliyyatı aparan Ukrayna ordusuna məxsus helikopter separatçılar tərəfindən vurulub.

Axar.az xəbər verir ki, bu barədə yerli sakinlər sosial şəbəkələrdə məlumat veriblər.

"Təxminən 15 dəqiqə əvvəl Donetsk Xalq Respublikasının silahlıları Slavyanskda helikopteri vurublar. Güclü tüstü qalxıb, intensiv atışma gedir", - deyə şahidlərdən biri yazıb.

Ukrayna silahlılarının vurulan helikopterə yaxınlaşmaq cəhdləri hələ ki, nəticə vermir.

15:25

Slavyanskdakı separatçılar Ukrayna ordusuna aid daha bir helikopter vurulub.

Axar.az xəbər verir ki, bu barədə Ukrayna hərbçiləri ilə birlikdə Slavyanskda olan jurnalist Artyom Şevçenko məlumat verib.

"Daha bir helikopter itirdik. Səhər həmin helikopter yük gətirdi, geriyə qayıdanda vuruldu. Məlumata görə, ekipaj da daxil olmaqla helikopterdəkilərin hamısı həlak olub. Sayları bir azdan dəqiqləşəcək", - deyə jurnalist yazıb.

Ukrayna Ali Radasının sədri Aleksandr Turçinov da helikopterin vurulmasını təsdiqləyib.

Ali Radada çıxışı zamanı Turçinov helikopterin vurulması nəticəsində 14 ukraynalı hərbçi, o cümlədən general Kulçik də həlak olub.