Ukraynanın şərqində 5 minə yaxın kadırovçu var. Onlardan 70-i artıq yük kimi evlərinə yola salınıb.

Axar.az xəbər verir ki, bu barədə "Pravoe delo" cəmiyyətinin sədri Dmitri Sneqiryov məlumat verib.

Sneqiryov separatçılar və "Vostok" batalyonunun itkilərinin nə qədər böyük olduğunun göstəricisi olaraq mayın 29-da çeçen muzdlularının meyitlərinin ilk partiyasının Donetskdən yola salındığını deyib.

Onun sözlərinə görə, hazırda Donetsk və Luqansk vilayətlərində hərbi əməliyyatlarda 4500 çeçen və rus muzdluları döyüşür: "Kremlin bu qədər muzdlu döyüşçünü regiona yerləşdirməsi onu göstərir ki, Moskva yerli separatçılara inanmır. Nə özünə, də həmin onların rəhbərlərinə. Moskva gözəl başa düşür ki, separatizm ideyası sünidir. O, Kiyevdən yerli oliqarxlar tərəfindən Kiyevdən nəsə qoparmaq üçün maliyyələşdirilir və idarə olunur. Amma bu da Moskvanın regionda qeyri-sabitlik və süni şəkildə silahlı konflikt yaratmaq planlarına ciddi zərbə vura bilər".