Dünən gecə saatlarında Luqansk vilayətinin sərhəd zastavalarının birinə hücum olunub.

Axar.az xəbər verir ki, yerli vaxtla saat 00:30-da sərhəd zastavasına 100-ə yaxın separatçı hücum edib.

İlk hücum 40 dəqiqəyə yaxın çəkib və sərhədçilər onu dəf ediblər.

Bir müddət sonra separatçılar növbəti dəfə hücuma keçiblər. Bu dəfə onlar öz mövqelərində hündürmərtəbəli binaların pəncərələrini və snayperlərlə sərhədçiləri nişan alıblar. İkinci və üçüncü hücum da dəf edilib. Sərhədçilər arasında yaralıların olduğu bildirilir.

Ukrayna Dövlət Sərhəd Xidmətindən bildirilib ki, sərhəd məntəqəsinə hücum edən terrorçuların sayı 200-ə yaxın olub.