Donetsk və Luqansk vilayətlərinin müxtəlif rayonlarında aparılan anti-terror əməliyyatları nəticəsində 50 nəfərdən çox separatçı məhv edilib.

Axar.az xəbər verir ki, bu barədə Ukrayna ordusundakı mənbə məlumat verib.

"Separatçıların mövqelərinə hücum bir neçə istiqamətdə aparılır. əsas döyüşlər Slavyansk ətrafında gedir. Bundan başqa anti-terror qüvvələri Krasnıy Liman və Donetsk və Luqanskın digər şəhərlərinə daxil olublar. Məlumata görə, 50-dən çox terrorçu məhv edilib. Bizim tərəfimizdə də itkilər var. Krasnıy Limanda terrorçuların əksəriyyəti silahlarını ataraq təslim olur. Günün sonuna yaxın məhv edilmiş separatçıların sayı arta bilər", - deyə mənbə bildirib.

Əldə olunan digər məlumata görə isə öldürülən terrorçuların sayı 300-ü ötüb.