Ukrayna Hərbi hava Qüvvələrinə məxsus İl-76 təyyarəsi Luqansk aeroportuna enən zaman separatçılar tərəfindən vurulub.

Axar.az xəbər verir ki, məlumat Ukrayna Müdafiə Nazirliyi tərəfindən də təsdiqlənib.

"İyunun 13-dən 14-nə keçən gecə Ukrayna Hərbi hava Qüvvələrinə məxsus İl-76 təyyarəsi Luqansk aeroportuna enən zaman terrorçular tərəfindən zenit qurğusu və iri kalibrli pulemyotlar tərəfindən atəşə tutulub. Təyyarənin bortunda hərbi qulluqçular, texnika və ləvazimatlar var idi", - Müdafiə Nazirliyindən verilən məlumatda bildirilib.

Ölənlərin sayı haqqında heç bir məlumat verilməsə də, təyyarədə 30 nəfərin olduğu bildirilir.

Müdafiə Nazirliyi, Ukrayna Silahlı Qüvvələrinin Baş Qərragahı və Hərbi Hava Qüvvələrinin komandanlığı həlak olanların ailələrinə və yaxınlarına başsağlığı verib.