Ukraynanın şərqində aparılan anti-terror əməliyyatı zamanı bir neçə silahlı toqquşma baş verib. Nəticədə Ukrayna ordusuna məxsus T-64 tankı vurulub.

Axar.az xəbər verir ki, bu barədə anti-terror mərkəzinin mətbuat xidmətinin rəhbəri Vladislav Seleznyov məlumat verib.

"Döyüşlər zamanı anti-terror əməliyyatı qüvvələri itkilər verib və T-64 tankı sıradan çıxarılıb. Bizim qüvvələrimiz separatçılara ciddi zərbə vurublar, onlar arasında çoxlu sayda ölən və yaralanan var. Separatçıların bir neçə atəş məntəqəsinin məhv edildiyi ilə bağlı məlumat var", - deyə Seleznyov bildirib.

Seleznyovun sözlərinə görə, toqquşmalar əsasən Rusiyadan gəlmiş muzdlular arasında baş verib.