İngiltərənin Baş naziri Devid Kameron İŞİD-in İngiltərəyə hücum etməyi planlaşdırdığını söyləyib.

Axar.az xəbər verir ki, İngiltərə Baş naziri Devid Kameron həftəlik mətbuat konfransında İraqdakı inkişaflara və İŞİD-lə bağlı suallara cavab verib. Baş nazir İŞİD-in İngiltərə üçün Əfqanıstan və Pakistandakı cihad tərəfdarı olan döyüşçülərindən daha böyük təhdid olduğunu söyləyib. Devid Kameron İŞİD-in İngiltərəyə hücuma hazırlaşdığını bildirib və artan təhlükəni nəzərə alaraq, İraqa edilən yardımın 5 milyon sterlinqə qədər artılacağını deyib.

Baş nazir İraq, Somali, Nigeriya və Malidə baş verən problemlərlə maraqlanmadıqları, hadisələrə diqqətsiz yanaşdıqları təqdirdə bunun gələcəkdə İngiltərə üçün problem yaradacağı ilə bağlı da xəbərdarlıq edib.