Ukrayna kiləsinin rəhbəri Filaret ümumrusiya patriarxı Kirilin Kiyevə gələcəyi təqdirdə onu "isti" qarşılayacağına söz verib.

Axar.az-ın Ukrayna mediasına istinadən verdiyi xəbərə görə, Filaret həmkarına layiq olduğu şəkildə "hörmət" bəsləyəcəyini dilə gətirib. O, həmçinin bildirib ki, Kiril cürət edib Kiyevə gələ bilməz.

Qeyd edək ki, Filaretin bu cür yanaşmasına səbəb hər iki din adamı arasında münasibətlərin çox soyuq vəziyyətdə olmasıdır. Kiyev Patriarxlığının rəhbəri Kirili Ukraynanın şərqində separatçılığı aktiv şəkildə dəstəkləməkdə qınayır.

Xatırladaq ki, son günlərdə patriarx Kiril Ukrayna ərazsində qardaş qırğınının qarşısının alınması, müharibənin təcili şəkildə dayndırlması ilə bağlı bəyanatlar versə də, qarşı tərəf - Kiyev Patriarxlığı din adamının fikirlərinə inanmadıqlarını, onun müəyyən məsələlərdə məkrinin olduğunu vurğulamaqdadır.