"Ermənistanda Azərbaycana simpatiyası olan qrupdan təbliğat məqsədiylə istifadə etmək lazımdır".

Axar.az xəbər verir ki, bu açıqlama ilə politoloq Elxan Şahinoğlu öz Feysbuk səhifəsində çıxış edib.

"Son zamanlar Ermənistan hakimiyyətindən narazı qalan ermənilərin Bakıya köçmək istədiklərinə, hətta hansısa erməni yazıçının Azərbaycan Yazıçılar Birliyinə üzv olmasına dair xəbərlərin sayı çoxalır. Sanki Ermənistanda Azərbaycana simpatiyası olan qrup formalaşır. Nədən bu amildən təbliğat məqsədilə istifadə edilməsin? Yaxşı yadımdadır, Dağlıq Qarabağ münaqişəsi yeni yarananda Ağdamda yaşayan bir neçə ermənidən separatçılara qarşı istifadə olunurdu. Elə Xankəndinin özündə bir neçə erməni var idi ki, separatçılara qarşı olduğunu Azərbaycan Dövlət Televiziyasının efirində səsləndirmişdi. Bu cür konstruktiv ermənilərlə işləmək lazımdır. Əlbəttə, bu ağıl oyunudur, qeyri-standart addımlar tələb olunur..."

Qeyd edək ki, Ermənistanın Tavuş vilayəti qubernatorunun keçmiş müşaviri Lyubik Çibuxçyan Azərbaycan Yazıçılar Birliyinin üzvü olmaq üçün bu quruma müraciət etmək niyyətində olduğunu bildirib.