Axar.az
Yuxarı

Ermənilərin Naxçıvan hücumu AŞPA-ya təqdim edildi

Ana səhifə Gündəm
12 Punto 14 Punto 16 Punto 18 Punto

Avropa Şurası Parlament Assambleyasının (AŞPA) yay sessiyasında Ermənistanın Azərbaycana qarşı apardığı təcavüz siyasətini ifşa edən yeni sənəd təqdim edilib. Sənədi Milli Məclisin AŞPA-dakı daimi nümayəndə heyətinin üzvü Rafael Hüseynov hazırlayıb.

Sənəddə Ermənistanın son dövrlərdə atəşkəs rejimini intensiv şəkildə pozması və işğal ərazilərini genişləndirmək istəklərini gizlətmədiyi göstərilir və Ermənistana qarşı təcili tədbirlər görülməsinə çağırılır.

Separatizmə vaxtında reaksiya verilmədiyi və buna görə də işğalçının iştahasının artdığı bildirilən sənəddə təcavüzkara qarşı ən sərt sanksiyaların tətbiq edilməməsinin açı nəticələr doğurduğu vurğulanır:

"Son həftələrdə Ermənistan-Azərbaycan sərhədlərində, Tovuz-Qazax, Naxçıvan istiqamətlərində baş verən narahatedici hadisələr də məhz indi təcili addımların atılmasını zəruriləşdirir. Tovuz, Qazax rayonları səmtində, Azərbaycanın Ermənistan tərəfindən son 25 il ərzində tam blokada şəraitində saxlanan Naxçıvan bölgəsində işğalçı ölkənin silahlı qüvvələri ardıcıl olaraq atəşkəs rejimini pozmağa başlamışdır. Xüsusilə Sədərək, Culfa, Şahbuz səmtlərində Ermənistan tərəfin müxtəlif növ silahlardan istifadə olunmaqla təşkil etdiyi həmlələr hərbi əməliyyatların miqyasının genişlənməsi təhlükəsini yaradır. Nəzərə alsaq ki, Ermənistan Azərbaycanın Naxçıvan bölgəsi ilə bağlı ərazi iddialarını və işğal niyyətlərini heç vaxt gizlətməyib, bu gün də həmin istiqamətdə fəaliyyətlərini davam etdirməkdədir, onda vəziyyətin nə qədər kritik olduğu bir az da aydınlaşar.
Avropa Şurası bu məsələyə təcili olaraq münasibət bildirməli, bu quruma qəbul olunarkən münaqişəni dərinləşdirəcəyini, işğal ərazilərini artıracağını deyil, məsələni diplomatik vasitələrlə həll edəcəyini əsas öhdəliklərindən biri kimi götürmüş Ermənistana ciddi təzyiq göstərməlidir. İş ondadır ki, Ermənistanın təbliğat şəbəkəsində Naxçıvana qarşı ərazi iddiaları ilə bağlı yer alan materiallar, təcavüzkar tərəfindən Azərbaycanın bu bölgəsinə son həmlələr real olaraq hərbi münaqişənin beynəlxalq müstəvidə genişlənməsi qorxusunu vəd edir. Çünki 1921-ci ildə Türkiyə və Cənubi Qafqaz respublikaları arasında bağlanmış Qars müqaviləsi Naxçıvana qarşı hər hansı təhlükələrin ortaya çıxacağı təqdirdə Türkiyənin dərhal məsələyə müdaxilə etməsinə qanuni imkan verir.

Sonda Rusiyaya qarşı operativliklə həyata keçirilən sanksiyaların işğalçı Ermənistandan da yan keçməməsi istənilir.

Tarix
2014.06.26 / 08:30
Müəllif
Axar.az
Şərhlər
Digər xəbərlər

Türkiyə və Ermənistan razılaşdı: sərhədlər açılır

Heydər Əliyev adına Hərbi Liseyə rəis təyinatı necə olacaq?

Cəmşid Naxçıvanski liseyi bu universitetin tabeliyinə verildi

Ceyhun Bayramov Fayezlə görüşdü - Foto

DTX-nin saxladığı Şükür Səfərov kimdir?

Prezidentdən Şuşa ilə bağlı daha bir qərar

Saxlanılan gömrük məmuru nazirin əmisi oğludur?

Düzdür, hazır deyilik, ancaq Zaurları biz təyin etməmişik

Erməni müxalifəti parlamentdəki vəzifələrindən imtina edir

Satqınlar var, Bakı hər addımımdan xəbərdardır

KULT
<>
Xəbər xətti
Axar.az'da reklam Bağla
Reklam
Bize yazin Bağla