Bu gecə separatçılar Ukrayna ordusunun Kramatorskdakı bolk-postlarının birinə hücuma keçibər.

Axar.az xəbər verir ki, bu barədə Ukrayna Hərbi-Siyasi Araşdırmalar Mərkəzinin rəhbəri Dmitri Tımçuk məlumat verib.

Onun sözlərinə görə, separatçılar hücum zamanı Rusiya ordusuna məxsus 8 tankdan istifadə ediblər. Eyni vaxtda minaatanlardan da atəş açılıb.

"Cavab atəşi nəticəsində separatçıların 1 tankı vurulub, 1-i isə ələ keçirilib. Ukrayna ordusunun 4 hərbçisi həlak olub, 1-i isə yaralanıb. Separatçılar bizim 4 zirehli transportyorumuzu vurublar. Terrorçuların itkiləri barədə məlumat yoxdur", - deyə Tımçuk bildirib.