Rusiya sərhəddəki 3 avtomobil buraxılış məntəqəsini bağlayaraq, Ukraynadan qaçan separatçıları ölkəyə buraxmır.

Axar.az xəbər verir ki, bu barədə Ukrayna Milli Təhlükəsizlik və Müdafiə Şurasının mətbuat katibi Andrey Lısenko məlumat verib.

"Dünəndən etibarən Rusiya Ukrayna ilə sərhəddə yerləşən 3 buraxılış məntəqəsini bağlayıb. İyulun 1-dən Rostov vilayətinin "Qukovo", "Donetsk" və "Novoşaxtinsk" buraxılış məntəqələri qapadılıb", - deyə Lısenko bildirib.

Onun sözlərinə görə, əvvəllər separatçılardan bu məntəqələrdən tez-tez keçirdilər: "İndi bu məntəqələrdə Rusiya tərəfi xüsusi blok-postlar quraraq, onları ağır hərbi texnika ilə gücləndirib. Məlumata görə, Ukraynadan qaçmaq istəyən terrorçuların həmin məntəqələrdən buraxılışı qadağan edilib".