"Moskva Kollektiv Təhlükəsizlik Müqaviləsi ordusunun Qarabağa daxil olması üçün bütün şəraiti hazırlayır".

Axar.az xəbər verir ki, bu iddia ilə erməni analitiki Naira Ayrumyan çıxış edib. O, Sərkisyanın hazırda rus qoşunlarının Qarabağa dəvət edilib-edilməməsi dilemması qarşısında qaldığını bildirib:

"Seyran Ohanyan KTM-yə Qarabağ konfliktinin həllində ehtiyacları olmadığını bildirdi. Amma Rusiyanın planına uyğun olaraq, KTM buraya girməlidir. Moskva isə bunun üçün bütün şəraiti hazırlayır. O, Qarabağa daxil olduqdan sonra türklər və azərbaycanlılarla danışdığı şəkildə konflikti həll edəcək. Çox güman ki, Əliyevlə Putinin telefon danışığından sonra Bakı hansı rayonları daha əvvəl alacağını bilir. KTM-in bura girməsi üçün isə elə də böyük bəhanə yoxdur. Heç bunun üçün təşkilatda konsensus da tələb edilmir. Digər bir variantda isə Rusiya sadəcə, bölgədə vəziyyəti qızışdırıb Bakının İrəvanla müharibə etməsinə səbəb ola bilər ki, bu da KTM-in qüvvələrinin Qarabağa gəlməsinə əsas verər".

Qafqazı əldə verməmək üçün Moskvanın həm Azərbaycanı, həm də Ermənistanı yanında görmək istədiyini qeyd edən erməni yazarın təbirincə, bunun üçün bütün yollara əl atılır:

"Bunun üçün hətta Moskva Qarabağın bölünməsinə də gedəcək. Görünür, Sərkisyan hələ ki, rus ordusuna müraciət etmək istəmir. Amma bir şey də bəllidir ki, ruslara müraciət etməyəndə ya prezidentin istefası, ya da ki, dövlət çevrilişi olur. Bax, bu, hazırda ən aktual məsələdir".