Ana səhifə Gündəm |
Azərbaycan Xəzər Dəniz Gəmiçiliyi QSC fəaliyyətə başladığı gündən Dövlət Sosial Müdafiə Fonduna yaranan borcu cari ayda əvvəlcədən ödənilib və heç vaxt ödəniş vaxtı keçmiş borcu olmayıb.
Bu sözləri Axar.az-a Xəzər Dəniz Gəmiçiliyinin mətbuat katibi Mehman Mehdiyev qurumun məhkəməyə verilməsi məsələsinə münasibət bildirərkən deyib. Onun sözlərinə görə, hazırda da Azərbaycan Xəzər Dəniz Gəmiçiliyi QSC-nin Dövlət Sosial Müdafiə Fonduna borcu yoxdur.
Təkcə bu il XDG tərəfindən DSMF-yə 24,7 milyon manat ödəniş həyata keçirilib.
DSMF-nin AXDG QSC-ni məhkəməyə verməsinə gəlincə, bildirilib ki, Fond Gəmiçiliyin tabeliyində olmuş “Dənizçi” kənd təsərrüfatı müəssisəsi ilə bağlı 2015-ci ilin aprelində Sumqayıt İnzibati-İqtisadi Məhkəməsində iddia qaldırıb.
Qeyd olunan müəssisə isə Azərbaycan Respublikası Nazirlər Kabinetinin 29 iyul 2016-cı il tarixli 447S nömrəli sərəncamı ilə aqrar islahatlarının aparılması məqsədilə AXDG QSC-nin tabeliyindən çıxarılıb.
Qeyd edək ki, 2017-ci ilin I yarısı ərzində 742 sığortaedən üzrə 22,89 mln. manat və ya ilin əvvəlinə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fonduna (DSMF) olan borcun 7,1%-i qədər ödənişinin təmin edilməsi üçün məhkəmə orqanlarına iddia ərizələri göndərilib.
Tarix
2017.12.11 / 19:16
|
Müəllif
Nigar İxtiyarqızı
|