10:44

Bu gün Müsavat Partiyası XI qurultayını keçirir.

Axar.az xəbər verir ki, qurultay Suraxanı rayonu, Əmircan qəsəbəsi, Səttar Bəhlulzadə adına Mədəniyyət Evində təşkil olunub.

Qurultayda partiyaya yeni başqan seçiləcəyi gözlənilir. 2014-cü ildə yerini Arif Hacılıya verən İsa Qəmbərin yenidən partiya sədri olacağı gözlənilir.

İsa Qəmbər partiya sədrliyinə yeganə namizəddir. Belə ki, Natiq Mehdi və Osman Kazımov namizədliklərini geri götürüblər.

***

Müsavat Partiyasının yeni başqanı məlum olub.

Məlumata görə, İsa Qəmbər bu gün Müsavat Partiyasının XI qurultayında yenidən partiyanın başqanı seçilib. Səsvermədə qurultay nümayəndələrindən 275-i İsa Qəmbərin lehinə səs verib.