Ukrayna anti-terror qüvvələri Luqansk vilayətinin separatçıların əlində olan Severodonetsk şəhərinə daxil olublar.

Axar.az xəbər verir ki, bu barədə Anti-Terror Mərkəzinin mətbuat xidmətinin rəhbəri Vladislav Seleznyov məlumat verib.

"Anti-terror qüvvələri Severodonetskdə daxil olublar. Hazırda şəhərin terrorçulardan təmizlənməsi davam edir. Bunun nə qədər davam edəcəyini demək çətindir. Toqquşmalar davam edir", - deyə Seleznyov bildirib.

17:38

Bu arada Luqansk separatçıları Ukrayna ordusunun Lisiçansk şəhərini ələ keçirdiyini elan ediblər.

Bu barədə qondarma Luqansk Xalq Respublikasının ordusunun komandirlərindıən olan Aleksandr Mozqovoy məlumat verib.

Onun sözlərinə görə, Ukrayna ordusu şəhərə hücum zamanı artilleriyadan istifadə edib.

"Biz ağır mənəvi itkilərə məruz qaldıq. Vaxt çatanda geri çəkilmək daha yaxşıdır", - deyə Mozqovoy bildirib.