Kreml Donbasdakı separatçılara silah verilməsini qadağan edib.

"Axar.az" xəbər verir ki, bu barədə Rusiya Dövlət Dumasının deputatı İlya Ponomaryov "Die Velt" qəzetinə verdiyi açıqlamasında bildirib.

"Mən bir çox mənbədən eşidirəm ki, Kreml separatçılara silah verilməsini qadağan edib. Lakin bəzi rus hərbçiləri var ki, onlar separatçılarla əlaqədədirlər. Məhz silahı da separatçılara onlar verir", - deyə Ponomoryov bildirib.

Deputat həmçinin bildirib ki, bəzi rus məmurları da terrorçuların silahla təmin edilməsində iştirak edir.

Onun sözlərinə görə, Donbasdakı separatçılar və onları rəhbərləri artıq Rusiya prezidenti Vladimir Putinə tabe olmurlar: "Rus millətçiləri nüfuzlu olmağa başlayıblar və bu da Putin üçün neqativ siqnaldır. Onlar Putini və Kremli dəstəkləmir və buna görə, o, həmin şəxslərə nəzarət edə bilmir. Prezident indi başa düşür ki, səhv edib, Donbasda tamam başqa şəxsləri silahlandırıb".