19:39

Bu dəqiqələrdə məşhur meyxana ustası Aydın Xırdalanlının dünyasını dəyişdiyi xəbəri yayılıb.

Axar.az əməkdaşı tanınmış meyxanaçı ilə əlaqə saxlamaq istəsə də, telefon zənglərinə cavab verən olmayıb.

Qeyd edək ki, Aydın Xırdalanlı ANS-də keçirilən "De gəlsin" yarışmasının qalibidir və "Qızıl Nida" mükafatının sahibidir.

Faktı dəqiqləşdirməyə çalışırıq...

20:00

Aydın Xırdalanlının telefonuna cavab verən və özünü təqdim etməyən şəxs bildirdi ki, 1-2 saatdan sonra meyxanaçı özü zənglərə cavab verəcək.

20:15

Aydın Xırdalanlının Axar.az-la əlaqə saxlayan dostlarından birinin sözlərinə görə, yayılan xəbər həqiqəti əks etdirmir və bunu dostları zarafat olaraq paylaşıblar:

"Bu gün Aydın Xırdalanlının doğum günüdür. Dostları isə zarafatla ölüm xəbərini yayıblar. Aydın sağ-salamatdır və hazırda ad gününü qeyd edir".

Buna baxmayaraq, dostu olduğunu söyləyən şəxs Aydın Xırdalanlı ilə danışmaq fürsəti də yaratmadı: "Başı qarışıqdır, təbrikləri qəbul edir"...