Ana səhifə Gündəm |
Üç gün öncə - 2 mart tarixində Respublika Narkoloji Dispanserində baş vermiş dəhşətli yanğın 25 can aldı. Bu hadisə Azərbaycan tarixində xəstəxanada baş vermiş ilk dəhşətli faciə idi.
Axar.az xəbər verir ki, heç bir ölkə bu cür fövqəladə hallardan sığortalanmayıb, dünyanın bir çox ölkəsində belə faciələr baş verib.
2016-cı ilin 30 noyabrında Türkiyənin Adana əyalətində özəl məktəbdəki yanğında 12 məktəbli vəfat etmişdi.
2016-cı ilin 1 iyun tarixində Çində zavodda başlayan dəhşətli yanğın 50 insanın ölümünə səbəb olmuşdu.
2016-cı ilin 3 dekabrında ABŞ-da gecə klubundakı yanğın 36 can almışdı.
Ötən ilin 14 iyununda Londonda 24 mərtəbəli yaşayış binasındakı yanğın 79 nəfərin həyatına son qoymuşdu.
2018-ci ilin 4 yanvarında Rusiyada anbarda baş verən yanğında 27 nəfər ölmüşdü.
Cənubi Koreyada 26 yanvar 2018-ci ildə “Sejonq” xəstəxanasındakı dəhşətli yanğın 41 nəfərin ölümü ilə nəticələnmişdi.
Tarix
2018.03.05 / 22:48
|
Müəllif
Nigar İxtiyarqızı
|