Qondarma Luqansk Xalq Respublikasının rəhbəri Valeri Bolotov istefa verdiyini açıqlayıb.

Axar.az xəbər verir ki, Bolotov bunu "Rossiya24" telekanalına verdiyi açıqlamasında deyib.

"Mən müvəqqəti olaraq Luqansk Xalq Respublikasının rəhbərliyi postundan istefa verirəm. Yaralarım məni tam şəkildə işləməyə qoymur", - deyə Bolotov bildirib.

Onun sözlərinə görə, aparılan məsləhətləşmələrdən sonra İqor Plotniçkonun respublikaya rəhbərlik etməsi qəbul edilib.

Separatçı lider bildirib ki, buna baxmayaraq, cəbhəni tərk etmək niyyətində deyil: "Mən luqansklıyam. Burada mənim evim var və öz ideyalarımız uğrunda mübarizəmi davam etdirəcəm. İnanıram ki, bizim mübarizəmiz uğurla nəticələnəcək".