Ana səhifə Gündəm |
Millət vəkili Qənirə Paşayeva İndoneziyanın Qadın hüquqları və uşaqların müdafiəsi naziri xanım Yohana Yembise ilə görüşüb.
Axar.az xəbər verir ki, görüşdə Yohana Yembisenin rəhbərlik etdiyi qurumun fəaliyyəti və bu sahə üzrə İndoneziyadakı mövcud vəziyyət, həmçinin ölkənin qarşılaşdığı çətinliklər haqqında söhbət açılıb.
Azərbaycanın bir qrup fəal qadınlarının da iştirak etdiyi görüşdə qeyd edilib ki, səfərin məqsədi AXC-nin 100 illiyi ilə əlaqədar İndoneziyada təşkil olunacaq proqramda iştirak etməkdir.
Q.Paşayeva görüşdə müasir Azərbaycanın inkişaf yolu, Azərbaycan-İndoneziya əlaqələrinin tarixindən, islam dininin Azərbaycandan İndoneziyaya və Cənub-Şərqi Asiyaya yayılmasından bəhs edib.
İkitərəfli əlaqələrə toxunan deputat Ermənistanın Azərbaycana qarşı təcavüzündən, etnik təmizləmə siyasətindən də söz açıb.
Q.Paşayeva sonda xanım naziri Azərbaycana dəvət edib.
Tarix
2018.05.24 / 23:42
|
Müəllif
Aygün Yusibova
|