"Rusiya daxilində mövcud olan şovinizm digər dövlətlərə və millətlərə təsir edir".

Bu sözləri Axar.az-a açıqlamasında NATO Əməkdaşlıq İnstitutunun rəhbəri Fərrux Məmmədov çıxış edib.

O, Rusiyanı SSRİ-nin aqibətinin gözlədiyini bildirib:

"Həyatda heç nə təsadüfi olmadığı kimi siyasətdə də həmçinin təsadüflər olmur. Daima bir plan olur və bu planın həyata keçməsi üçün işlər gedir. Bu gün bu planın əsas hissəsində Rusiya durur. SSRİ xalqlar həbsxanası idi və həmin böyük qapalı imperiya dağıldı. Səbəb isə bəsit idi. Xalqlara öz seçmə müqəddəratı tanınmamışdı. İndi eyni ssenarini Rusiya yeridir və o da xalqlar həbsxanası rolunu davam etdirir. Rusiya daxilində mövcud olan şovinizm digər dövlətlərə və millətlərə təsir edir. Gec və ya tez bu xalqlar da ayaqlanacaq, müstəqillikləri üçün mübarizə və müharibə aparacaqlar. Bu, təbiidir. Gərək hər zaman millətin səsinə qulaq verəsən, yoxsa nəticəsi çox ağır olur. Buna çoxlu misallar çəkmək olar. Rusiyada başqırdlar, tatarlar, Sibir bölgəsində yaşayan digər xalqlara qarşı Moskva daima şovinizm siyasəti yürüdüb. Eyni ssenari Şimali Qafqazda da davam edir. Bunları birləşdirən ortaq nöqtə isə çoxunun müsəlman olmasıdır. Rəsmi Moskva hətta bu xalqların dinlərinə belə hörmət etmir və bəzən islamla məşğul olanları radikal adı ilə həbsə atırlar. Bu və digər hallar onu deməyə əsas verir ki, Rusiya ərazisində yeni dövlətlərin yaranması sadəcə zaman məsələsidir. Rusiyada idarəetmə sistemi yoxdur. O, sadəcə Putindən ibarətdir. Əgər beynəlxalq birlik Moskvanı nəzarətə tam ala bilsə, o zaman biz reallaşması gözlənilən projelərin nəticəsini tezliklə görəcəyik".