Axar.az
Yuxarı

Axar.Az Logo

“Prezident erməni mədəniyyətsizliyini sübut etdi”

Ana səhifə Gündəm
12 Punto 14 Punto 16 Punto 18 Punto

"Bu, ölkənin tutduğu yolu təqdim etmək vasitəsidir".

Bu sözləri Axar.az-a millət vəkili Zahid Oruc bu gün işə başlayan IV Bakı Beynəlxalq Humanitar Forumu barədə fikirlərini bölüşərkən dedi.

Onun sözlərinə görə, humanitar forum ölkəmizin sülh mərkəzi kimi tanınması baxımından çox önəmlidir:

"Keçirilən humanitar forum Azərbaycanın dünyaya təkcə neft-qaz resursu ilə deyil, ideyaları ilə tanınmaq istədiyini göstərən ən mühüm hadisədir. Bu, ölkənin tutduğu yolu təqdim etmək vasitəsidir. Azərbaycan Prezidentinin tribunadan söylədiyi kimi humanitar forum müxtəlif mədəniyyətləri doğmalaşdırmaq, bir araya gətirmək həqiqi mənada multikulturalizm hadisəsi kimi ortaya qoymaq naminədir".

Millət vəkilinin sözlərinə görə, bu forum ideoloji müharibələrin, dinlərarası savaşın həlli məkanıdır:

"Bu gün dünyanın müxtəlif yerlərində sərt ideoloji toqquşmalar baş verir. İŞİD problemi də təkcə dinlərarası savaşın bir ifadəsi deyil. Bu da qarşılıqlı anlaşılmazlıq və mədəniyyətlərin ortasında çəkilmiş "Böyül Çin səddi" hesabınadır".

Belə bir problemlərin yaşandığı dünyada sülh məkanı kimi ölkəmizin tanındığını deyən millət vəkili hətta hegemon ölkələrin Bakıda bir araya gəldiyini qeyd edib: "Azərbaycan açıq cəmiyyət məkanıdır və burada başqa məkanlarda savaşan dairələr çox yaxşı dil tapa bilir. Bu gün Rusiyanı idarə edən şəxslər də Qərbin siyasətini görüb Bakıda bir araya gəlirlər. Azərbaycan sözün həqiqi mənasında ötürücü naqil, barış diyarı kimi özünü sübut edir.

Xarici ölkələrdə insanların bizi sadəcə neft amilinə görə tanımamaları üçün bu cür humanitar forumları əhəmiyyətli hesab edirik. Burada ideyalar ixrac olunur. Müasir informasiya dövründə bu, çox önəmlidir".

Forumda Prezident İlham Əliyevin çıxışına toxunan Zahid Oruc dünyanın ən nüfuzlu insanlarına problemimizin çatdırıldığını qeyd etdi:

"Azərbaycanda keçirilən humanitar forumlar ölkəmizin maraqlarına xidmət edir. Prezident İlham Əliyev dünyada çox böyük nüfuza sahib olan şəxslərin iştirak etdiyi bu mərasimdə Dağlıq Qarabağdan, bütövlüyümüzün problemindən, Ermənistanın aqressivliyindən, onun mədəniyyətsizliyindən real faktlar gətirdi. Hesab edirəm ki, bu tədbir gələcəkdə bizi toqquşmalardan daha çox uzlaşdırma məkanı kimi tanıdacaq və qəbul etdirəcək".

Tarix
2014.10.03 / 09:00
Müəllif
Şəmsəddin Ənsar
Şərhlər
Digər xəbərlər

“Artsax” öldü, artıq leşdir: əl çəkin leşdən – Karamyan

Ermənilər bu xülyadan imtina etməlidir - Korotçenko

Prezidentin SOCAR-la bağlı qərarı: səbəb nədir? - Video

Azərbaycan Ermənistanın 17 muzdlusunu axtarışa verdi

Qarabağa sərmayə axını: hansı ölkə nə etmək istəyir?

Azərbaycanlı dənizçi necə öldürülüb? - Təfərrüat

Prezidentin yeni vəzifə verdiyi nazirimizdən açıqlama

Qarabağdakı rus hərbçilər antiterror təlimi keçirlər

Qarabağa qaytarılan ermənilərin son sayı

Hücuma məruz qalan türk gəmisi Qabondadır - Nazir

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla