Ölkə mediası bacısının başını kəsib qətlə yetirməklə Azərbaycanı dəhşətə salan Pərvanə Nuriyevadan danışır. Bu gün ANS-in efirində yayımlanan "Bazar səhəri" verilişində də vəkillər Anar Qasımlı, İradə Cavadova və digər qonaqlar Pərvanənin bacısı Günelin boğazını kəsməsini müzakirə ediblər.

Axar.az xəbər verir ki, gərgin və çox ağır günlər yaşayan qızların atası Etibar Nuriyev mediadan gizlənməyə çalışır. Şəkidə adlı-sanlı kişi olan Nuriyev qətllə bağlı mətbuata açıqlama vermək istəmir. Hazırda qatil qızının istintaqı ilə maraqlanan valideynin başı həm də mərhumə qızının matəminə qarışıb.

Əldə etdiyimiz məlumata görə, Şəkidə hamı baş verən hadisədən heyrət içindədir və Nuriyevlər ailəsi nə baş verdiyini anlaya bilmir. Onlar qızlarının faciəsində özlərini də günahkar görürlər.

Onu da deyək ki, E.Nuriyev 1960-cı ildə Şəkinin Gəncəli məhəlləsində anadan olub. Əsgəri xidmətini başa vurduqdan sonra Şəki Aqrar Sənaye İB-də mühasib kimi fəaliyyətə başlayıb. 1998-ci ildə Ali Menecment Universitetinin qiyabi şöbəsini bitirməklə yanaşı bir sıra özəl müəssisələrdə baş mühasib, 1990-cı ildən "Şərq" şirniyyatı ASC-də sədr müavini vəzifəsində çalışıb.

O, Şəki Sahibkarlıq Assosiasiyasının və Şəki bələdiyyəsinin üzvüdür. Respublika Sahibkarlar Konfederasiyasının üzvü kimi dünyanın bir çox yerində - o cümlədən Almaniyada, Hollandiyada, İtaliyada, İspaniyada, Fransada, Portuqaliyada, Türkiyədə, İranda, Pakistanda və digər ölkələrdə olub.

Axar.az tanınmış iş adamı, hazırda isə dərd içində qovrulan atanın fotolarını təqdim edir.