Ana səhifə Gündəm |
Azərbaycan Prezidenti İlham Əliyev Livan Respublikası Nazirlər Şurasının Sədri Zati-aliləri cənab Tammam Salama təbrik məktubu göndərib.
Axar.az prezidentin rəsmi saytına istinadən xəbər verir ki, təbrik məktubunda deyilir:
Hörmətli cənab Sədr,
Livan Respublikasının milli bayramı – Müstəqillik günü münasibətilə Sizi və xalqınızı öz adımdan və Azərbaycan xalqı adından səmimi qəlbdən təbrik edirəm.
Bu əlamətdar gündə Sizə ən xoş arzularımı yetirir, dost Livan xalqına sülh və rifah diləyirəm.
***
Azərbaycan Prezidenti İlham Əliyev Rumıniyanın yeni seçilmiş Prezidenti Zati-aliləri cənab Klaus İohannisə təbrik məktubu göndərib.
Məktubda deyilir:
"Hörmətli cənab İohannis,
Rumıniyanın Prezidenti vəzifəsinə seçilməyiniz münasibətilə Sizi səmimi qəlbdən təbrik edirəm.
Azərbaycan və Rumıniyanı möhkəm dostluq və qarşılıqlı faydalı əməkdaşlıq münasibətləri birləşdirir. Bu gün bu münasibətlər dinamik və hərtərəfli inkişaf edərək strateji tərəfdaşlıq səviyyəsinə yüksəlmişdir.
Ümidvaram ki, xalqlarımızın rifahı naminə istər ikitərəfli qaydada, istərsə də regional və beynəlxalq qurumlar çərçivəsində qarşılıqlı etimada və dəstəyə əsaslanan əməkdaşlığımızı daha da genişləndirmək üçün birgə səylər göstərəcəyik.
Sizə möhkəm cansağlığı, xoşbəxtlik, dost Rumıniya xalqının rifahı naminə qarşıdakı fəaliyyətinizdə uğurlar arzulayıram".
Tarix
2014.11.21 / 18:26
|
Müəllif
Axar.az
|