Türkiyənin Qars vilayətində Dövlət Su İşləri (DSİ) idarəsində Azərbaycan-Gürcüstan-Türkiyə Xarici İşlər nazirlərinin toplantısı təşkil edilib.

Axar.az xəbər verir ki, toplantıda iştirak edən Türkiyə Xarici İşlər naziri Mövlud Çavuşoğlu, Gürcüstan Xarici İşlər naziri Tamar Beruçaşvili və Azərbaycan Xarici İşlər naziri Elmar Məmmədyarov ortaq mətbuat konfransı təşkil ediblər.

Türkiyə Xarici İşlər naziri M.Çavuşoğlu həmkarları ilə məhsuldar görüş keçirdiklərini qeyd edərək tərəflər arasında çoxtərəfli əlaqələrin olduğunu bildirib: "Azərbaycan və Gürcüstanın torpaq bütövlüyünü dəstəkləyirik. Ermənistanın da qonşu sərhədlərinə hörmət edərək aramızda iştirak etməsini xahiş edirik. Beləcə, əksik halqa da tamamlanmış olar".

Toplantıda keçmişdə alınan qərarların nəzərdən keçirildiyini bildirən Çavuşoğlu Bakı-Tiflis-Ceyhan neft boru xətti, Bakı-Tiflis-Qars dəmiryolu xətti və Trans Anadolu təbii qaz boru xətti kimi layihələrin yenidən müzakirə edildiyini və bu layihələrə verilən önəmin təsdiqləndiyini qeyd edib.