Gürcüstanda NATO-nun “Sülh naminə tərəfdaşlıq” proqramı çərçivəsində yay dağ hazırlığı təliminin birinci mərhələsi keçirilir.

Report-un məlumatına görə, Axalkalaki rayonunda Abuli dağında təşkil olunan təlimdə Gürcüstan, Azərbaycan, Ukrayna, Çexiya, Polşa, Latviya və İsveç hərbçiləri iştirak edirlər.

Təlimi Besik Kutataladze adına Saçxere dağ hazırlığı təlim mərkəzinin təlimatçıları keçir.

Kursda iştirak edən hərbçilər dağda 100, 200 və 300 metr uzaq məsafəyə atəşlər yerinə yetiriblər.

Dağ hazırlıq təlimi 4 həftə davam edəcək.