Yuxarı

ATƏT-in konfransındakı ittihamlara - Sərt cavab

Ana səhifə Gündəm
12 Punto 14 Punto 16 Punto 18 Punto

ATƏT-in Media azadlığı üzrə nümayəndəliyinin Tiflisdə təşkil etdiyi konfransın panellərinin birində Azərbaycanda guya fikir azadlığının məhdudlaşdırılması və jurnalistlərin həbs olunması ilə bağlı bəzi əsassız fikirlər səsləndirildi.

Bunu Report-a açıqlamasında Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva bildirib.

Onun sözlərinə görə, beynəlxalq tədbirlərdə bir çox hallarda Azərbaycana qarşı təxribat xarakterli və tamamilə əsassız ittihamlar, qarayaxma təşkil olunması meylləri müşahidə edilir: “Belə olan hallarda söyənilən həmin fikirlərə yerindəcə münasibət bildirilir və auditoriya səsləndirilən fikirlərin əsassız olması və faktlara söykənməməsi barədə məlumatlandırılır”.

L.Abdulayeva deyib ki, bugünkü konfrans çərçivəsində Azərbaycanla bağlı səsləndirilən ittihamlarla dolu fikirlər üzrə ölkəni təmsil edən rəsmi nümayəndələr müvafiq açıqlamalar veriblər: “Açıqlamalarda Azərbaycanda istər mətbuat, istərsə də fikir azadlığı sahəsində kifayət qədər önəmli işlərin görüldüyü, mühüm qanunvericilik bazasının mövcud olduğu, eləcə də demokratik inkişafın daha da genişləndirilməsi istiqamətində önəmli islahatların həyata keçirildiyi barədə məlumat təqdim olundu”.

XİN rəsmisi qeyd edib ki, toplantıda bəzi QHT-lər tərəfindən Azərbaycanla bağlı səsləndirilən iddialara da münasibət bildirilib: “QHT nümayəndələrinə auditoriyaya çatdırdıqları məlumatları haradan əldə etmələri və istinad mənbələri ilə bağlı suallar verildi. Bəzi konkret hallarla bağlı Azərbaycanın dövlət qurumlarının rəsmi açıqlamaları olduğu halda nədən onlara istinad olunmaması və kimlərinsə əsassız fikirlərinə istinad edilməsi ilə bağlı suallar da ünvanlandı”.

O əlavə edib ki, hər bir tənqid sağlam olduğu halda xeyirli ola bilər: “Dialoq sağlam şəkildə aparılmalıdır. Əgər məsələlərlə bilavasitə məşğul olan rəsmi dövlət qurumlarının rəyi nəzərə alınmırsa, o zaman hər hansı bir sağlam fikir mübadiləsi və ya dialoqdan söhbət gedə bilməz”.

Tarix
2019.10.09 / 21:09
Müəllif
Axar.az
Digər xəbərlər

Azərbaycan bu ölkəni təbrik etdi

Bakı ilə bu ölkə arasında viza məsələsi müzakirə olunacaq

Bakı və Kiyev qaz təchizatını müzakirə etdi

Suriya lideri Bakıda İsrail rəsmiləri ilə görüşüb

İlham Əliyev Milatoviçi təbrik etdi

Rusiya Zəngəzur dəhlizinin bahalığından “narahat” oldu

Türkiyə ilə Ermənistan arasında yeganə hüquqi sənəd...

Ukrayna müharibəsi təhlükəsizliyə ciddi zərər verir - Rəfiyev

TRT-dən tarixi Azərbaycan şəhəri ilə bağlı böyük səhv

İlham Əliyev Ərdoğana zəng etdi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla