Ana səhifə Gündəm |
"Streema.com" saytı qondarma Dağlıq Qarabağ separatçılarının televiziyasını Azərbaycan kanalı kimi təqdim edib.
Axar.az xəbər verir ki, Azərbaycan televiziyaları ilə eyni sırada göstərilən Artsakh TV-nin verilişlərini məhz buradan birbaşa linklə izləmək mümkündür.
Azərbaycanın ərazi bütövlüyünə hörmətlə yanaşan saytın əsas səhvi ölkə ərazisində erməni separatçılığının təbliğatı ilə məşğul olan TV-nin geniş auditoriyaya çıxışının təmin edilməsidir. Üstəlik, Azərbaycan daxilində fəaliyyət göstərən televiziya Ədliyyə Nazirliyində qeydiyyatdan keçməyib və rəsmən ölkənin əleyhinə təbliğatın təşkili ilə məşğuldur. Bu isə Azərbaycan qanunvericiliyi və beynəlxalq normaların heç biri ilə səsləşmir.
Qeyd edək ki, "Streema.com" saytı tərkibində 25 mindən çox radio və televiziyanı birləşdirib. Riçard Monte, Xuan Trouilh, Martin Siniyavski tərəfindən yaradılan sayt son beş il ərzində beş dəfə böyüyüb. Hazırda "Streema" vasitəsilə radio dinləyənlərin sayı həftə ərzində 200 milyon nəfərdən çoxdur.
Tarix
2015.01.31 / 08:15
|
Müəllif
İlkin Həsənov
|