Axar.az
Yuxarı

Azərbaycanlılar hərəkətə keçdi: Prezidentə müraciət

Ana səhifə Gündəm
12 Punto 14 Punto 16 Punto 18 Punto

Dərbənd azərbaycanlıları Dağıstan Prezidenti Ramazan Abdulatipova müraciət edib.

Bu barədə Axar.az-a Dərbənd şəhər sakinləri məlumat verib.

Onlar şəhər rəhbərliyinə milliyətcə azərbaycanlı olan şəxsin gətirilməsini istəyiblər:

"Biz Dərbənd şəhərinin azərbaycanlıları sizə problemlərimizin həlli üçün müraciət edirik. Hər ötən il Dərbənd azərbaycanlıları bizə dost olmayanlar tərəfindən öz mədəniyyətlərinə, tarixlərinə qarşı münasibətə dözməli olurlar. Bu gün Dərbənddə olan Azərbaycan xalqı ağlamalı vəziyyətdədir. Xalq çarəsizdir. Biz istəyirik ki, qədim Azərbaycan şəhərini Dərbənddə doğulmuş, əslən azərbaycanlı olan biri idarə etsin. Bu gün Dərbənd Şəhər Administrasiyası sədrinin səlahiyyətlərinin müvəqqəti icraçısı Rəhimov Mövsüm Hilal oğludur. Dərbənd azərbaycanlıları ona inanır və istəyirlər ki, o, şəhərin rəhbəri kimi təsdiq edilsin. Biz bilirik ki, Mövsüm Rəhimov kasıb ailədən çıxıb və həyatda hər şeyə özü nail olub. O, az gəlirli azərbaycanlılara, yetimlərə yardım edir, idmançılarımız üçün sponsor olur. Bizdə olan məlumata görə, hazırda Dərbənd Şəhər Administrasiyasının rəhbərliyi vəzifəsinə konkurs elan edilib. Buraya iddialı şəxslər isə Dərbəndin problemlərindən uzaq insanlardır. Biz Dərbənd azərbaycanlılarına öz xalqını sevən Rəhimov Mövsüm Hilal oğlu lazımdır. Sizə öz hüquqlarımızın qarantı kimi müraciət edirik. Siz Azərbaycan xalqının ümidisiniz. Ona görə də sizdən bu işdə yardımçı olmağınızı istəyirik".

Qeyd edək ki, Mövsüm Rəhimov bir müddət öncə vəzifəsindən azad edilmişdi. Onun yerinə milliyətcə avar olan Azad Rəhimov gətirilmişdi. Dərbənd rəsmiləri Rəhimovun istefa vermədiyini, sadəcə məzuniyyətə getdiyini bildirmişdilər. Rəhimov həmçinin hazırkı mer İmam Yaraliyevin yerinə iddialı ən mühüm şəxs hesab edilir.

Onu da xatırladaq ki, son günlər separatçı "Sadval" təşkilatı Dərbənddə xeyli aktivləşib. Öz himayədarlarından biri hesab edilən İmam Yaraliyevə qarşı cinayət işi qaldırması bu təşkilatı daha da qızışdırıb. Ləzgi liderin vəzifəsindən getməsinə imkan verməmək üçün təşkilat bir həftə sonra Dərbənddə mitinqə hazırlaşır.

Tarix
2015.02.20 / 14:56
Müəllif
İlkin Həsənov
Şərhlər
Digər xəbərlər

Akardan Azərbaycana mesaj: Yanınızdayıq!

Qarabağa kimlər və necə qayıtmaq istəyir? - Sorğu

Akardan Qarabağ açıqlaması: Monitorinq Mərkəzi...

Putin KTMT-ni səslədi: Qarabağa yardım edin!

Fəxrizadəni kim və niyə öldürdü? - Şok versiya

Erməni elitası revanşa çağırır: Biz nə etməliyik?

Sülhməramlılar Qarabağda bu işləri davam etdirir

Ermənistanın məhv edilmiş hərbi texnikasının dəyəri...

Rusiya mediasında Qarabağ təhrifləri: Nə yazırlar?

Əliyevanın parlaq nəticələrini gözlərimlə görmüşəm - Aleksi

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla