Virusun iqtisadiyyata təsirini azaltmaq üçün hazırlanmış proqramlardan biri mikro və fərdi sahibkarlığı əhatə edir.

Axar.az xəbər verir ki, bunu İqtisadiyyat naziri Mikayıl Cabbarov AzTV-yə müsahibəsində bildirib.

"Bu proqram 290 min mikro və fərdi sahibkarı əhatə edən bir proqramdır. Burada söhbət tək şəkildə və 10-a qədər işçisi olmaqla fəaliyyət göstərən, yaxud 10-dan az muzdlu işçisi olan sahibkarlardan gedir.

Bir qayda olaraq mikro sahibkarların maliyyə yastığı dardır. Prinsip etibarı ilə dövlət tərəfindən tətbiq edilən iqtisadi fəaliyyətə məhdudiyyətlər ilk növbədə zərbəni bu sektora endirib. Bu sektoru qoruyub saxlamaq üçün dəstəyə ehtiyac var. Biz burada baza kimi həmin mikro sahibkarların 2019-cu il ərzində həyaata keçirdiyi vergi ödənişlərinə istinad edirik. Ödənişlərin, birbaşa yardımların edilməsində həmin bazaya əsaslanarıq", - nazir qeyd edib.