Bu gün Serbiya həm Azərbaycana, həm də Ermənistana silah satır. Çünki Serbiyanın hərbi sənayesini işlək vəziyyətdə saxlamaq lazımdır. Hərbi sənayedə evinə çörək aparan 17 min insan çalışır.

Axar.az xəbər verir ki, bu sözləri Serbiya Prezidenti Aleksandar Vuçiç bildirib.

“Həm Azərbaycan, həm də Ermənistan bizim dostumuzdur. Son illərdə biz Azərbaycana Ermənistana nisbətən on dəfə çox silah satmışıq”, - deyə o bildirib.

Qeyd edək ki, Serbiyanın Ermənistana silah satması Azərbaycanın narazılığına səbəb olub və bu ölkəyə etiraz bildirilib.