Axar.az
Yuxarı

Axar.Az Logo

Turan Ordusu bu tarixdə elan edilir? – Video

Ana səhifə Gündəm
12 Punto 14 Punto 16 Punto 18 Punto

08:45

Turan Ordusunun oktyabrın 29-na kimi qısa bir müddətdə yaradılması mümkünsüzdür. Çünki bu, elə də sadə bir layihə deyil. 20 ildən artıq bir müddətdir ki, Türkiyə rəhbərliyi bu yöndə işlər görür. Xüsusilə də son illərdə bu məsələ Türkdilli Dövlətlərin Əməkdaşlıq Şurası (TDƏŞ) iclaslarında da təklif edilib.

Bu sözləri Axar.az-a ehtiyatda olan polkovnik Şair Ramaldanov türkiyəli strateq Kaan Sarıaydının Turan Ordusunun yaradılacağı haqda sözlərini şərh edərkən deyib.

Polkovnikin sözlərinə görə, Turan Ordusunun yaradılması türk ölkələri üçün çox vacibdir:

“Prinsip etibarilə bu gün ölkələr geosiyasi arenada təşkilatlar nəzdində çıxış etməyə daha çox maraqlıdır. Şübhəsiz, bu gün Türkiyə regionda sözü keçən, sayılan qüdrətli bir ölkədir. Lakin Türkiyə də başa düşür ki, Avropa Birliyi və ya NATO kimi təşkilatlarla daha böyük işlər görmək mümkündür.

Turan Ordusu layihəsi uzun illərdir gündəmdə olan həyati, bir o qədər də həssas bir mövzudur. Turan Ordusu türk ölkələrinin vahid bir təşkilatda yarada biləcəyi NATO bənzəri bir layihədir. Türkiyə bu məsələdə uzun illərdir təkliflər edir. Onu deyim ki, mən də bu təklifə müsbət baxıram və zəruri sayıram. Çünki şimal qonşumuz Rusiya belə öz təşkilatını yaradıb. Təəssüf ki, düşmən Ermənistan da bu təşkilatın bir parçasıdır. Belə bir vəziyyətdə Azərbaycanın da güclü bir hərbi təşkilat daxilində olması vacibdir.

Türkdilli Dövlətlərin Əməkdaşlıq Şurası bu mənada uzun illərdir uğurla fəaliyyət göstərir. İlk illərdə türk ölkələri arasında mədəni, tarixi, etnik bağların qorunması əsasında yaransa da, bu gün iqtisadi-siyasi mövzularda kifayət qədər mühüm işlər görülməkdədir. Şübhəsiz, təşkilat gələcəkdə NATO bənzəri bir orduya ehtiyac duyacaq ki, məhz bu zaman biz Turan Ordusundan bəhs edə bilərik. Düşünürəm, Turan Ordusunun oktyabrın 29-na qədər yaradılması inandırıcı deyil. Lakin gələcək üçün bu, çox müsbət və vacib bir addım ola bilər. Bunun üçün hələ çox işlər görülməlidir”.

Tarix
2020.08.21 / 11:00
Müəllif
Turan Rzayev
Şərhlər
Digər xəbərlər

Əliyev yenidən Paşinyan, Mişel və Makronla görüşdü

Paşinyana müraciət edəndə ki, bizə yol verin... - Əliyev

Beş prinsiplə bağlı ermənilərin heç bir sualı yoxdur

İlin sonunadək sülh müqaviləsi imzalana bilər

Biz İrəvandan bunu tələb edirik

Makron Praqa görüşü barədə paylaşım etdi

Layihələrimiz hazır olanda qaza tələbat artdı

Əliyevdən "Azadlığ"ın müxbirinə: Sorosa de ki… - Video

Ərdoğan Paşinyandan bunları tələb edəcək - Başbuğ

Ərdoğan-Paşinyan görüşündən nə gözlənilir? – Ağar

KULT
<>
Xəbər xətti
Axar.az'da reklam Bağla
Reklam
Bize yazin Bağla