Axar.az
Yuxarı

Axar.Az Logo

İlham Əliyev yeni səfirlərlə görüşdü

Ana səhifə Gündəm
12 Punto 14 Punto 16 Punto 18 Punto

Azərbaycan Respublikasının Prezidenti İlham Əliyev aprelin 19-da Qazaxıstan Respublikasının ölkəmizdə yeni təyin olunmuş fövqəladə və səlahiyyətli səfiri Beybit İsabayevin etimadnaməsini qəbul edib.

Axar.az xəbər verir ki, bu barədə Prezidentin rəsmi saytı məlumat yayıb.

Səfir Beybit İsabayev fəxri qarovul dəstəsinin qarşısından keçdi. Beybit İsabayev etimadnaməsini Prezident İlham Əliyevə təqdim etdi.

Sonra Azərbaycan Prezidenti İlham Əliyev səfirlə söhbət etdi.

Xalqlarımız arasında tarixi dostluq və qardaşlıq əlaqələrinin mövcud olduğunu bildirən dövlətimizin başçısı müasir dövrdə ikitərəfli münasibətlərimizin müttəfiqlik səviyyəsinə qalxdığını məmnunluqla qeyd etdi. Siyasi əlaqələrimizin yüksək səviyyədə olduğunu deyən Prezident İlham Əliyev ölkələrimizin beynəlxalq təşkilatlar çərçivəsində bir-birini dəstəklədiyini vurğuladı.

Dövlətimizin başçısı Azərbaycan ilə Qazaxıstanın mühüm birgə iqtisadi, enerji, nəqliyyat layihələrini həyata keçirdiyini deyərək bütün bunların əməkdaşlığımızın potensialının daha da gücləndirilməsi işinə xidmət etdiyini bildirdi. Prezident İlham Əliyev Xəzərin statusunun müəyyənləşdirilməsi və Xəzər hövzəsində əməkdaşlıqla bağlı Azərbaycan ilə Qazaxıstan arasında tam qarşılıqlı anlaşmanın olduğunu diqqətə çatdırdı.

Dövlətimizin başçısı Beybit İsabayevin səfir kimi fəaliyyəti dövründə əlaqələrimizin bundan sonra da möhkəmlənəcəyinə və ölkələrimizin regional əməkdaşlığın və təhlükəsizliyin təmin edilməsi istiqamətində birgə səylərinin daha da artırılacağına ümidvar olduğunu dedi.

Səfir Beybit İsabayev Qazaxıstan Respublikasının Prezidenti Nursultan Nazarbayevin salamlarını dövlətimizin başçısına çatdırdı. Qazaxıstan ilə Azərbaycan arasında mövcud olan dostluq və qardaşlıq əlaqələrinin ən yüksək səviyyədə bundan sonra da inkişaf edəcəyinə ümidvar olduğunu bildirən səfir Beybit İsabayev fəaliyyəti dövründə əlaqələrimizin genişləndirilməsi istiqamətində səylərini əsirgəməyəcəyini dedi.

Dövlətimizin başçısı Prezident Nursultan Nazarbayevin salamlarına görə minnətdarlığını bildirdi, onun da salamlarını Qazaxıstan dövlətinin başçısına çatdırmağı xahiş etdi.

***

Azərbaycan Respublikasının Prezidenti İlham Əliyev aprelin 19-da Vyetnam Sosialist Respublikasının ölkəmizdə yeni təyin olunmuş fövqəladə və səlahiyyətli səfiri Nquyen Than Şonun etimadnaməsini qəbul edib.

Səfir Nquyen Than Şon fəxri qarovul dəstəsinin qarşısından keçdi. Nquyen Than Şon etimadnaməsini Prezident İlham Əliyevə təqdim etdi.

Sonra Azərbaycan Prezidenti İlham Əliyev səfirlə söhbət etdi.

Dövlətimizin başçısı Vyetnam Sosialist Respublikasına ötənilki səfərini, orada Azərbaycan nümayəndə heyətinə göstərilən yüksək qonaqpərvərliyi və aparılan səmərəli müzakirələri məmnunluqla xatırladı. Yüksək səviyyəli qarşılıqlı təmasların ölkələrimiz arasında əlaqələrin dinamik və uğurlu inkişafının göstəricisi olduğunu deyən Prezident İlham Əliyev mövcud əlaqələrin səviyyəsinin razılıq doğurduğunu qeyd etdi. Prezident İlham Əliyev səfirin fəaliyyətinin ikitərəfli münasibətlərin gücləndirilməsi işinə öz töhfəsini verəcəyinə əminliyini ifadə etdi.

Səfir Nquyen Than Şon Vyetnam Sosialist Respublikasının Prezidenti Truonq Tan Sanqın salamlarını və ən xoş arzularını Prezident İlham Əliyevə çatdırdı. Nquyen Than Şon ölkəsinin Azərbaycan ilə dostluq və əməkdaşlıq əlaqələrinin gücləndirilməsində və daha da inkişaf etdirilməsində maraqlı olduğunu qeyd etdi. Prezident İlham Əliyevin Vyetnama səfərinin onlarda xoş təəssürat yaratdığını deyən səfir ölkəsində ulu öndər Heydər Əliyevi və onun rəhbərliyi dövründə Azərbaycanın əldə etdiyi uğurları çox gözəl xatırladıqlarını bildirdi.

Dövlətimizin başçısı İlham Əliyev Vyetnam Prezidenti Truonq Tan Sanqın salamlarına və ən xoş arzularına görə minnətdarlığını bildirdi, onun da salamlarını Vyetnam Prezidentinə çatdırmağı xahiş etdi.

Tarix
2015.04.19 / 22:32
Müəllif
Axar.az
Şərhlər
Digər xəbərlər

Ərdoğan qondarma erməni soyqırımı ilə bağlı danışdı

Türk şirkətləri Kəlbəcərin qızıl yatağına cəlb edilir?

Mirələmov əxlaqsız hərəkətinə görə qovulur - Rəsmi

Ermənistanın sərhəddə atəş açmasının səbəbi

Türkiyənin İrəvana göndərdiyi bu mesajlar... - Akar

Bu növ minaları aşkar etmək çətindir - ANAMA

Təxribat: Ermənilər sərhəddə əsgərlərimizi atəşə tutdu - Video

Ərdoğan Azərbaycanla bağlı bu qərarı da təsdiqlədi

Azərbaycanın uğurlarına sevinirik - Putinin müşaviri

Ermənilərə qarşı “Həlqə” əməliyyatı: 30 kənd təmizləndi, ancaq...

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla