Ermənistan iqtisadiyyatının ciddi investisiyalara ehtiyacı var. Bunlar olmadan Ermənistanı hazırkı böhrandan çıxarmaq mümkün olmayacaq.

Axar.az xəbər verir ki, bunu Çiçəklənən Ermənistan Partiyasının sədri Qagik Çarukyan deyib.

“Pandemiya və müharibə iqtisadiyyata ciddi zərbə vurub. Hazırda iqtisadiyyat öz potensialının 20-30% miqdarında çalışır. İqtisadiyyatın canlandırılması üçün 2-3 il ard-arda minimum 1 milyard dollar investisiya lazımdır. Hazırda belə investisiyalar yoxdur. İnvestorlar üçün sərfəli şərait lazımdır", - deyə o bildirib.