"Maqnit adam" ləqəbi ilə tanınan azərbaycanlı idmançı Çinə dəvət alıb.

Axar.az xəbər verir ki, Gürcüstanda olan Etibar Elçiyev - Budaqlı avqustun 10-dan 19-dək Çində yeni rekorda imza atacaq. O, əlindəki bioenerji ilə əlaqədar çinli alimlərlə görüşəcək.

E.Elçiyev AzərTac-a açıqlamasında deyib ki, bədənində müxtəlif metal məmulatları saxlamaq, sinəsinə yapışan metal üzərində 60-70 kiloqram çəkidə insanı oturtmaq və hər biri 1100 kiloqram olan iki minik avtomobilini dartmaqla yeni rekordlar qazanıb:

"Adım artıq Ginnesin rekordlar kitabına daxil olub. Mən həmçinin bioloji təbabətlə məşğulam. Bu da çinli mütəxəssislərin diqqətini cəlb edib. Çində mən bədənimə yeni metal hissələr, 18 kiloqram ağırlığında dəmir lövhə yapışdıracağam, iki minik avtomobilini bir neçə metr dartacağam. Eyni zamanda, tibetli alimlər, həkimlərlə görüşəcəyəm".