İran Xarici İşlər naziri Məhəmməd Cavad Zərifin avqustun 11-də Türkiyəyə planlaşdırılan səfərinin təxirə salınmasının gerçək səbəbi bəlli olub.

Axar.az "Star" qəzetinə istinadən xəbər verir ki, Türkiyə hökuməti Zərifin ölkəyə gəlməsinə icazə verməyib. Buna səbəb kimi İranın son günlərdə Türkiyə əleyhinə apardığı kampaniya göstərilib:

"İran Türkiyə əleyhinə kampaniyaya görə Ankara tərəfindən ciddi şəkildə xəbərdar olundu. Lakin rəsmi Tehran buna müsbət cavab vermədi və kampaniyanı davam etdirdi. Nəticədə İran Xarici İşlər naziri Məhəmməd Cavad Zərifin Türkiyəyə gəlməsinə icazə verilmədi və İran Türkiyənin səfəri təxirə salmaq barədə tələbini qəbul etmək məcburiyyətində qaldı".

İran XİN sözçüsü Mərziyyə Əfxam isə ötən gün açıqlamasında səfərin təxirə salınmasını Zərifin sıx proqramı ilə əlaqələndirmişdi.