12:35

Rusiya sülhməramlılarının və Qarabağ ermənilərinin qeyri-qanuni dəstəsinin nümayəndəsinin Kəlbəcərə gedən Azərbaycan yük maşınlarını yoxlamasını əks etdirən video Azərbaycan ictimaiyyətində ciddi hiddət və etiraza səbəb olub.

Bunu Axar.az-ın əməkdaşı ilə söhbətində politoloq İlqar Vəlizadə deyib.

Onun sözlərinə görə, axtarış prosesində separatçıların “milis”inin iştirakı ilə bağlı xüsusilə çoxlu şikayətlər olub:

“Aydındır ki, heç bir statusu olmayan, heç kimin “qanuni tərəf” kimi tanımadığı bir şəxs hansısa yükün yoxlanılması prosedurunda iştirak edə bilməz. Vəziyyət həmçinin Rusiya sülhməramlı kontingentinə onun funksiyalarını tənzimləyən xüsusi statusun verilməsi ilə bağlı müzakirələrə təkan verib. Bu və ya digər şəkildə, bu vəziyyətin təcili reaksiya tələb etdiyi tamamilə aydındır. Qarabağ Azərbaycandır! Və bu ərazidə Azərbaycan avtomobillərinə baxış keçirə qurumlar yalnız və yalnız Azərbaycanın hüquq-mühafizə orqanları və ya hərbçiləridir”, - həmsöhbətimiz qeyd edib.