Türkiyənin Baş naziri Əhməd Davudoğlunun Samsun səfəri ilə bağlı maraqlı kadrlar yayılıb.

Axar.az xəbər verir ki, toplantıdan sonra binanı tərk edərkən 19 yaşlı Əmrə Aslan adlı gənc baş nazirə yaxınlaşıb. Şəkil çəkdirdikdən sonra baş nazir gənclə söhbət edib.

Söhbət əsnasında baş nazir Əmrə Aslanın nə ilə məğul olduğunu soruşub. Gənc isə bərbər yanında usta köməkçisi işlədiyini deyib. Bu vaxt baş nazir gözlənilmədən ona kömək edəcəyini deyib:

"Sən bərbər salonu aça bilərsən. Atana "Mən baş nazirlə görüşdüm, mənə 50 min türk lirəsi verir. Bir də 100 min TL kredit ayırır. 150 min TL ilə özümə bərbər dükanı açım, sən də mənim üçün qız tap" deyəcəksən. Yaxşımı? Bunları anana da deyə bilərsən".