Səudiyyə Ərəbistanı Bəşər Əsədin devrilməsi və ordusunun parçalanması üçün planlar qurdu, lakin Rusiya bu planların fərqinə vardı.

Axar.az xəbərverirki, bunu Dəməşqdəki tarixi Əməvi məscidinin rejimə yaxınlığı ilə bilinən axundu Şeyx Məmun Rəhmət deyib. O, Rusiyanın Suriyada qanuni əməliyyatlar apardığını bildirib:

"Rusiya siyasi fikirləri, ədaləti və insafı ilə böyük dövlətdir. Səudiyyə Ərəbistanı Bəşər Əsədin devrilməsi və ordusunun parçalanması üçün planlar qurdu, lakin Rusiya bu planların fərqinə vardı. Ruslar Suriya ordusunun bütün dünyaya və terrora qarşı vuruşduğunu gördü. Müdrik bir qərarla Suriya liderinin dəvəti ilə qanuni əməliyyatlara başladı. Putin, ey bənzərsiz və cəsur lider! Amerikanın əfsanəsini paramparça edən sevimli komandir, Allahın və tarixin qarşısında söz veririk ki, əgər Rusiya terror məruz qalsa, silahlarımızla sizin yanınızda olacağıq".