Gəncədə seçkilərin gedişatı ilə bağlı məlumatların operativ ötürülməsi üçün bütün məntəqələr rabitə və yüksəksürətli internetlə təmin olunub.

Secki-2015.az saytının xəbərinə görə, dünəndən etibarən Gəncə Telekommunikasiya İdarəsinin əməkdaşları tərəfindən məntəqələrdə fasiləsiz internet və rabitə xidmətinin heç bir problem olmadan təminatı üçün növbətçilik təşkil olunub. Bununla yanaşı yarana biləcək problemlərin dərhal aradan qaldırılması məqsədilə idarənin daxilində operativ qərargah yaradılıb. Məntəqələrdə quraşdırılan veb- kameralar tam hazır vəziyyətə gətirilib.

Hazırlıq işləri ilə bağlı açıqlama verən Gəncə Telekommunikasiya İdarəsinin baş mühəndisi Etibar Nəbiyev bildirib ki, telefon və internet rabitəsindən əlavə, Gəncədə 40 məntəqəyə veb-kamera quraşdırılıb: "Hazırda həmin kameraların hər birinə onlayn şəkildə nəzarət edə bilirik. Hər hansı problem yaranarsa, onu operativ şəkildə aradan qaldırmağa tam hazırıq".