Vergilər nazirinin müavini Natiq Əmirovun həbsi ilə bağlı yayılan məlumatlar həqiqəti əks etdirmir.

Bu barədə Axar.az-a Vergilər Nazirliyinin mətbuat xidmətinin rəhbəri Mehdi Mürsəlimov bildirib. Onun sözlərinə görə, N.Əmirov hazırda vəzifəsinin icrası ilə məşğuldur.

Qeyd edək ki, Natiq Əmirov Vergilər Nazirliyində sistemin məsuliyyətini daşıyan peşəkar kadrlardan biri kimi tanınır.

Ötən gündən başlayaraq sosial şəbəkələrdə Vergilər nazirinin müavini Natiq Əmirovun həbs olunması barədə məlumatlar paylaşılır. Bir sıra media orqanı isə bu paylaşımları xəbərə çeviriblər. Media hətta Natiq Əmirovun həbs motivi haqda ehtimalı da irəli sürüb.