Suriyada Əsəd rejiminə dəstək olmaq odla oynamaqdır.

Axar.az xəbər verir ki, bunu Bayburtda ictimaiyyət qarşısında Türkiyə Prezidenti Rəcəb Tayyib Ərdoğan söyləyib. O, Rusiyaya odla oynamağı tövsiyə etmədiyini bildirib:

"Türkiyənin İŞİD-dən neft aldığını deyərək bizə iftira atanlar, bunu mütləq sübut etməlidirlər. Türkiyə İŞİD-dən neft almır. Rus şirkətlərinin İŞİD-lə birgə Suriya rejiminə neft satdığını bir müddət öncə Amerika Maliyyə Nazirliyi açıqladı. Türkiyə neftini haradan alır? Rusiyadan alırıq. Bu dəqiqə Rusiya bizə ən çox neft satan ölkədir. Bundan başqa İrandan, Azərbaycandan, Şimali İraqdan, Əlcəzairdən, Qətərdən alırıq. Bizim qaynaqlarımız bəllidir. Biz hansısa bir terror təşkilatından neft alacaq qədər şərəfsiz deyilik. Bu millət indiyə qədər heç kimi arxadan bıçaqlamayıb. Bu millət üz-üzə savaşmağı bacaran millətdir".