Ukraynanın əks-hücumuna əsas maneə Rusiyanın "Alliqator" kimi tanınan Ka-52 helikopterləri olub.

Axar.az xəbər verir ki, bunu cəbhə xəttinə səfər edən "Bild" nəşrinin baş redaktorunun müavini Pol Ronzeymer deyib.

Ukrayna əsgərlərindən birinin jurnalistə verdiyi məlumata görə, ruslar 8 km məsafədən helikopterlərdən hücum edir, lakin ukraynalı əsgərlərin bu qədər məsafədə onlara qarşı istifadə edəcək heç bir şeyi yoxdur.

"Bu, Ukraynanın əks-hücumunda özünü göstərən əsas problemlərdən biridir: kifayət qədər hava hücumundan müdafiə sistemi, şəxsi aviasiya yoxdur.

Ukrayna Silahlı Qüvvələrinin əks-hücumunun uğurlu və ya uğursuz olacağını söyləmək hələ tezdir", - Ronzeymer vurğulayıb.