Osmanlı imperiyasının tərkibində xristianlar az idi, lakin onlar məhv edilməmişdilər.

Axar.az xəbər verir ki, bunu Moskvanın və Bütün Rusiyanın Patriarxı Kiril "Rossiya 1" kanalına müsahibəsində deyib. O, Yaxın Şərqdəki vəziyyət barədə danışıb, xristian-müsəlman münasibətlərinə toxunub:

"Xristian və müsəlmanlar arasında bəzən münaqişələr olub. Xristian torpaqlarının tutulması zamanı məcburi islamlaşdırma aparılıb. Lakin o zamanlar islam dünyasında cari hadisələrin bənzəri yox idi. Nümunə olaraq Osmanlı imperiyasını göstərə bilərik. İmperiyanın tərkibində xristianlar az idi, lakin onlar məhv edilməmişdilər".

Ermənilər sosial şəbəkələrdə Patriarx Kirilin bu sözlərini təhqir kimi qiymətləndiriblər. "Yəqin Kiril erməniləri xristian hesab etmir", - deyə ermənilər yazıb.

Müsahibəyə 7:50 dəqiqədən etibarən baxa bilərsiniz.