Rusiya Müdafiə Nazirliyinin nümayəndə heyəti sülhməramlı kontingentin Qarabağdan çıxarılmasının vaxtını müzakirə etmək üçün bu gün İrəvana səfər edəcək.

Axar.az xəbər verir ki, bu barədə TASS-a diplomatik mənbəyə istinadən məlumat yayıb.

“Müdafiə Nazirliyinin nümayəndə heyəti bu gün İrəvana səfər edəcək. Ermənistan tərəfi ilə görüşdə Rusiya sülhməramlı kontingentinin Qarabağdan çıxarılmasının konkret tarixləri müzakirə olunacaq”, - məlumatda deyilib.

Rusiya Müdafiə Nazirliyinin sülhməramlılarla bağlı müzakirə aparmaq üçün İrəvana nümayəndə göndərməsi müəmmalıdır. Çünki Rusiya Prezidenti Vladimir Putin də dünən “Valday” Beynəlxalq Diskussiya Klubunun plenar iclasında çıxışı zamanı sülhməramlıların Azərbaycan ərazisində olduğunu demişdi.